GPay ਨੂੰ ਲੈ ਕੇ ਅਹਿਮ ਖ਼ਬਰ ਸਾਹਮਣੇ ਆਈ ਹੈ। ਗੂਗਲ ਲੱਖਾਂ ਯੂਜ਼ਰਸ ਨੂੰ ਝਟਕਾ ਦੇਣ ਜਾ ਰਿਹਾ ਹੈ । ਗੂਗਲ ਨੇ ਆਪਣੀ ਪੇਮੈਂਟ ਐਪ GPay ਨੂੰ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। Google ਨੇ ਘੋਸ਼ਣਾ ਕੀਤੀ ਹੈ ਕਿ ਉਹ 4 ਜੂਨ, 2024 ਤੋਂ ਸੰਯੁਕਤ ਰਾਜ ਵਿੱਚ Google Pay ਐਪ ਨੂੰ ਬੰਦ ਕਰ ਰਿਹਾ ਹੈ।
ਇਸ ਕਦਮ ਦਾ ਉਦੇਸ਼ ਸਾਰੀਆਂ ਵਿਸ਼ੇਸ਼ਤਾਵਾਂ ਨੂੰ Google Wallet ਪਲੇਟਫਾਰਮ ਵਿੱਚ ਮਾਈਗ੍ਰੇਟ ਕਰਕੇ Google ਦੀਆਂ ਭੁਗਤਾਨ ਪੇਸ਼ਕਸ਼ਾਂ ਨੂੰ ਸਰਲ ਬਣਾਉਣਾ ਹੈ। ਇਸ ਪੇਮੈਂਟ ਐਪ ਦੇ ਬੰਦ ਹੋਣ ਨਾਲ ਲੱਖਾਂ ਯੂਜ਼ਰਸ ਪਰੇਸ਼ਾਨ ਹੋ ਸਕਦੇ ਹਨ। ਟੈਕ ਕੰਪਨੀ ਦਾ ਇਹ ਫੈਸਲਾ ਸਾਲ 2022 ‘ਚ ਲਾਂਚ ਹੋਏ ਗੂਗਲ ਵਾਲਿਟ ਐਪ ਕਾਰਨ ਲਿਆ ਗਿਆ ਹੈ। ਗੂਗਲ ਵਾਲਿਟ ਦੇ ਨਾਲ ਗੂਗਲ ਪੇ ਐਪ ਵੀ ਕਈ ਦੇਸ਼ਾਂ ਵਿੱਚ ਕੰਮ ਕਰ ਰਿਹਾ ਹੈ। ਗੂਗਲ ਨੇ ਸਟੈਂਡਅਲੋਨ GPay ਐਪ ਨੂੰ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਗੂਗਲ ਨੇ ਇਹ ਫੈਸਲਾ ਸਿਰਫ ਅਮਰੀਕੀ ਯੂਜ਼ਰਸ ਲਈ ਲਿਆ ਹੈ। ਗੂਗਲ ਨੇ ਬਲਾਗ ਵਿੱਚ ਕਿਹਾ, “ਭਾਰਤ ਅਤੇ ਸਿੰਗਾਪੁਰ ਵਿੱਚ ਗੂਗਲ ਪੇ ਐਪ ਦੀ ਵਰਤੋਂ ਕਰਨ ਵਾਲੇ ਲੱਖਾਂ ਲੋਕਾਂ ਲਈ, ਕੁਝ ਵੀ ਨਹੀਂ ਬਦਲੇਗਾ।
4 ਜੂਨ ਤੋਂ ਬਾਅਦ ਇਹ ਐਪ ਸਿਰਫ ਭਾਰਤ ਅਤੇ ਸਿੰਗਾਪੁਰ ‘ਚ ਕੰਮ ਕਰੇਗੀ। GPay ਦੀ ਸਟੈਂਡਅਲੋਨ ਐਪ ਦੂਜੇ ਦੇਸ਼ਾਂ ਵਿੱਚ ਉਪਲਬਧ ਨਹੀਂ ਹੋਵੇਗੀ। ਆਪਣੇ ਬਲਾਗ ਪੋਸਟ ਵਿੱਚ ਇਹ ਜਾਣਕਾਰੀ ਦਿੰਦੇ ਹੋਏ ਗੂਗਲ ਨੇ ਕਿਹਾ ਹੈ ਕਿ GPay ਵੱਲੋਂ ਕੀਤੇ ਜਾਣ ਵਾਲੇ ਪੀਅਰ-ਟੂ-ਪੀਅਰ (P2P) ਭੁਗਤਾਨ ਅਤੇ ਖਾਤਾ ਮੈਨੇਜਮੈਂਟ ਨੂੰ ਰੋਕ ਦਿੱਤਾ ਜਾਵੇਗਾ। ਹਾਲਾਂਕਿ, ਯੂਜ਼ਰ 4 ਜੂਨ, 2024 ਤੋਂ ਬਾਅਦ ਵੀ ਆਪਣੇ GPay ਬੈਲੇਂਸ ਨੂੰ ਆਪਣੇ ਖਾਤੇ ਵਿੱਚ ਟ੍ਰਾਂਸਫਰ ਕਰ ਸਕਣਗੇ। ਇਸ ਦੇ ਲਈ ਯੂਜ਼ਰਸ ਨੂੰ ਗੂਗਲ ਪੇਅ ਵੈੱਬਸਾਈਟ ਦੀ ਵਰਤੋਂ ਕਰਨੀ ਪਵੇਗੀ।
