ਨੈਸ਼ਨਲ ਖੇਡਣ ਜਾ ਰਹੀ ਰੇਲਵੇ ਮੰਡੀ ਦੀ ਖਿਡਾਰਨ ਨੂੰ ਦਿੱਤੀਆਂ ਸ਼ੁਭਕਾਮਨਾਵਾ

ਹੁਸ਼ਿਆਰਪੁਰ, 22 ਮਈ: 66ਵੀ ਨੈਸ਼ਨਲ ਸਕੂਲ ਖੇਡਾਂ ਵਿੱਚ ਸਰਕਾਰੀ ਕੰਨਿਆ ਸੈਕੰਡਰੀ ਸਮਾਰਟ ਸਕੂਲ ਰੇਲਵੇ ਮੰਡੀ ਦੀ ਖਿਡਾਰਨ ਪੁਸ਼ਪਾ ਦੇਵੀ ਭਾਗ ਲੈਣ ਜਾ ਰਹੀ ਹੈ । ਇਹ ਖੇਡਾਂ ਭੋਪਾਲ ਵਿਖੇ ਮਿਤੀ 6 ਜੂਨ ਤੋਂ 12 ਜੂਨ ਤੱਕ ਹੋਣਗੀਆ। ਇਹਨਾ ਖੇਡਾਂ ਵਿਚ ਪੁਸ਼ਪਾ ਦੇਵੀ ਜੂਡੋ ਖੇਡ ਵਿੱਚ U -19 , ਭਾਰ 44 ਕਿਲੋਗ੍ਰਾਮ ਵਰਗ ਵਿਚ ਭਾਗ ਲਵੇਗੀ। ਪ੍ਰਿੰਸੀਪਲ ਲਲਿਤਾ ਅਰੋੜਾ ਤੇ ਸਮੂਹ ਸਟਾਫ਼ ਨੇ ਪੁਸ਼ਪਾ ਨੂੰ ਨੈਸ਼ਨਲ ਖੇਡ ਵਿੱਚ ਜਿੱਤ ਪ੍ਰਾਪਤ ਕਰਕੇ ਸਕੂਲ, ਜ਼ਿਲ੍ਹੇ ਤੇ ਪੰਜਾਬ ਦਾ ਨਾਮ ਰੌਸ਼ਨ ਕਰਨ ਦਾ ਅਸ਼ੀਰਵਾਦ ਦਿੱਤਾ ਅਤੇ ਉਸਨੂੰ 12ਵੀ ਵਿੱਚੋ ਚੰਗੇ ਨੰਬਰ ਪ੍ਰਾਪਤ ਕਰਨ ਲਈ ਵੀ ਸ਼ੁੱਭ ਇੱਛਾਵਾਂ ਦਿੱਤੀਆਂ। ਪ੍ਰਿੰਸੀਪਲ ਸਾਹਿਬਾ ਨੇ ਕਿਹਾ ਕਿ ਇਸਦਾ ਸਿਹਰਾ ਕੋਚ ਸ਼੍ਰੀ ਜਗਮੋਹਨ ਕੈਂਥ ਅਤੇ ਸਰੀਰਕ ਸਿੱਖਿਆ ਅਧਿਆਪਕ ਸ਼੍ਰੀਮਤੀ ਜੋਗਿੰਦਰ ਕੌਰ ਨੂੰ ਜਾਂਦਾ ਹੈ। ਇਸ ਮੌਕੇ ਤੇ ਸ਼੍ਰੀਮਤੀ ਸਰਬਜੀਤ ਕੌਰ, ਸ਼ਾਲਿਨੀ ਅਰੋੜਾ ਅਤੇ ਸੁਮਨ ਗੁਪਤਾ ਹਾਜਰ ਸਨ।