ਮੇਰੀ ਤਰਜੀਹ ਸੂਚੀ ਵਿੱਚ ਹਮੇਸ਼ਾ ਮੇਰੇ ਲੋਕ ਸਿਖਰ ‘ਤੇ ਹੁੰਦੇ ਹਨ : ਡਾ ਰਾਜ ਕੁਮਾਰ ਚੱਬੇਵਾਲ 

ਹੁਸ਼ਿਆਰਪੁਰ : ਮੈਂ ਹਮੇਸ਼ਾ ਆਪਣੇ ਲੋਕਾਂ ਨਾਲ ਲਗਾਤਾਰ ਸੰਪਰਕ ਵਿੱਚ ਰਹਿਣਾ, ਉਹਨਾਂ ਦੀਆਂ ਸਮੱਸਿਆਵਾਂ ਸੁਣਨ ਅਤੇ ਹੱਲ ਕਰਨ ਲਈ, ਉਹਨਾਂ ਲਈ ਮੇਰਾ ਉਪਲਬਧ ਹੋਣਾ ਯਕੀਨੀ ਬਣਾਉਂਦਾ ਹਾਂ।

ਇਹ ਵਿਚਾਰ ਸੰਸਦ ਮੈਂਬਰ ਡਾ ਰਾਜ ਕੁਮਾਰ ਨੇ ਚੱਬੇਵਾਲ ਸਥਿਤ ਪਾਰਟੀ ਦਫਤਰ ਵਿਖੇ ਆਪਣੇ ਹਲਕਾ ਵਾਸੀਆਂ ਨਾਲ ਮਿਲਣੀ ਪ੍ਰੋਗਰਾਮ ਦੌਰਾਨ ਜਾਹਿਰ ਕੀਤੇ | ਉਹ ਉਸ ਵਕਤ ਡਾ: ਇਸ਼ਾਂਕ ਕੁਮਾਰ ਦੇ ਨਾਲ ਉਨ੍ਹਾਂ ਨੂੰ ਮਿਲਣ ਆਏ ਹਲਕਾ ਵਾਸੀਆਂ ਨਾਲ ਉਨ੍ਹਾਂ ਦੇ ਮਸਲਿਆਂ ‘ਤੇ ਵਿਚਾਰ ਵਟਾਂਦਰਾ ਕਰ ਕੇ ਹੱਲ ਕਰ ਰਹੇ ਸਨ |

ਇਸ ਮੌਕੇ ‘ਤੇ ਕਈ ਨਵੀਆਂ ਚੁਣੀਆਂ ਗਈਆਂ ਪੰਚਾਇਤਾਂ ਦੇ ਸਰਪੰਚ-ਪੰਚ ਵੀ ਆਪਣੇ ਸੰਸਦ ਮੈਂਬਰ ਨਾਲ ਖੁਸ਼ੀ ਸਾਂਝੀ ਕਰ ਉਹਨਾਂ ਤੋਂ ਸ਼ੁਭਕਾਮਨਾਵਾਂ ਲੈਣ ਪਹੁੰਚੇ ਸਨ ।

ਡਾ: ਰਾਜ ਕੁਮਾਰ ਚੱਬੇਵਾਲ ਨੇ ਉਹਨਾਂ ਨੂੰ ਵਧਾਈ ਦਿੰਦਿਆਂ ਆਪਣੇ ਸਮਰਥਕਾਂ ਨੂੰ ਚੱਬੇਵਾਲ ਹਲਕੇ ਵਿੱਚ ਹੋਣ ਵਾਲੀਆਂ ਜ਼ਿਮਨੀ ਚੋਣਾਂ ਲਈ ਪਾਰਟੀ ਦਾ ਸਾਥ ਦੇਣ ਲਈ ਤਿਆਰ ਰਹਿਣ ਅਤੇ ਪਾਰਟੀ ਉਮੀਦਵਾਰ ਨੂੰ ਜਿਤਾਉਣ ਦਾ ਵੀ ਸੰਦੇਸ਼ ਦਿੱਤਾ ।