ਗਾਇਕ ਬੂਟਾ ਜੱਲੋਵਾਲੀਆ ਦਾ ਧੰਨ ਧੰਨ ਕਾਂਸ਼ੀ ਵਾਲਿਆਂ ਟਰੈਕ ਦਾ ਪੋਸਟਰ ਕੁਲਵੰਤ ਸਿੰਘ ਸੈਣੀ ਉਘੇ ਸਮਾਜ ਸੇਵਕ ਵਲੋਂ ਰਿਲੀਜ਼
ਹੁਸ਼ਿਆਰਪੁਰ, 08 ਫਰਵਰੀ (ਹਰਵਿੰਦਰ ਸਿੰਘ ਭੁੰਗਰਨੀ) : ਪਿੰਡ ਜੱਲੋਵਾਲ ਵਿਖੇ ਸ਼੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਦੇ 647 ਵੇ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਪੰਜਾਬ ਦੇ ਨਾਮਵਰ ਗਾਇਕ ਬੂਟਾ ਜੱਲੋਵਾਲੀਆ ਦਾ ਧੰਨ ਧੰਨ ਕਾਂਸ਼ੀ ਵਾਲਿਆਂ ਟਰੈਕ ਦਾ ਪੋਸਟਰ ਕੁਲਵੰਤ ਸਿੰਘ ਸੈਣੀ ਉਘੇ ਸਮਾਜ ਸੇਵਕ ਵਲੋਂ ਰਿਲੀਜ਼। ਇਸ ਮੌਕੇ ਪੰਜਾਬ ਦੇ ਨਾਮਵਰ ਕਲਾਕਾਰ ਬੂਟਾ ਜੱਲੋਵਾਲੀਆ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ 647 ਵੇ ਪ੍ਰਕਾਸ਼ ਪੁਰਬ ਮੌਕੇ ਸੰਗਤਾਂ ਦੀ ਮੰਗ ਤੇ ਧੰਨ ਧੰਨ ਕਾਂਸ਼ੀ ਵਾਲਿਆਂ ਟਰੈਕ ਪੇਸ਼ ਕੀਤਾ ਗਿਆ।
ਉਨ੍ਹਾਂ ਦੱਸਿਆ ਕਿ ਇਸ ਟਰੈਕ ਦੀ ਪੇਸ਼ਕਸ਼ ਪੀ ਐਸ ਮਿਊਜ਼ਿਕ ਕੰਪਨੀ ਵੱਲੋਂ ਕੀਤਾ ਗਿਆ ਅਤੇ ਸ਼੍ਰੀਮਤੀ ਬੀਬੀ ਛਿੰਦੋ ਦੇਵੀ ਜੀ ਨੇ ਅਸ਼ੀਰਵਾਦ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਉਸਤਾਦ ਗਿਆਨ ਚੰਦ ਹੰਸ ਦੇ ਅਸ਼ੀਰਵਾਦ ਨਾਲ ਧੰਨ ਧੰਨ ਕਾਂਸ਼ੀ ਵਾਲਿਆਂ ਟਰੈਕ ਰਿਲੀਜ਼ ਕੀਤਾ ਗਿਆ ਹੈ। ਇਸ ਮੌਕੇ ਗਾਇਕ ਬੂਟਾ ਜੱਲੋਵਾਲੀਆ ਨੇ ਕਿਹਾ ਕਿ ਮੈਨੂੰ ਆਸ ਹੈ ਇਸ ਟਰੈਕ ਨੂੰ ਸੰਗਤਾਂ ਵੱਲੋਂ ਪੂਰਾ ਸਹਿਯੋਗ ਮਿਲੇਗਾ।
ਇਸ ਮੌਕੇ ਟਰੈਕ ਰਿਲੀਜ਼ ਕਰਨ ਸਮੇਂ ਉਘੇ ਸਮਾਜ ਸੇਵਕ ਕੁਲਵੰਤ ਸਿੰਘ ਸੈਣੀ ਜੱਲੋਵਾਲ ਪ੍ਰਧਾਨ ਸੈਣੀ ਜਾਗ੍ਰਿਤੀ ਮੰਚ ਪੰਜਾਬ, ਮਲਕੀਅਤ ਸਿੰਘ ਸੈਣੀ ਸਮਾਜ ਸੇਵੀ, ਬੱਬੀ ਜੱਲੋਵਾਲੀਆ, ਗਾਇਕ ਤੇ ਗੀਤਕਾਰ ਹਰਜੀਤ ਸਿੰਘ ਜੱਲੋਵਾਲੀਆ, ਕਰਮਦੀਪ ਸਿੰਘ ਜੱਲੋਵਾਲੀਆ, ਸੁਖਦੇਵ ਸਿੰਘ, ਬਲਦੇਵ ਸਿੰਘ ਦੇਬੂ, ਸੁਰਿੰਦਰ ਸਿੰਘ ਏਅਰਫੋਰਸ ਆਦਿ ਹਾਜ਼ਰ ਸਨ
